વિંછીયાના ખારચિયાની 17 વર્ષીય સગીરાનૅ અજાણ્યો યુવક લલચાવી ફોસલાવી અપહરણ કરી ગયાની પૉલીસ ફરિયાદ
વીંછિયા તાલુકાના ખારચિયા ગામમાં એક સગીરાના અપહરણની ચોંકાવનારી ઘટના બનતા સમગ્ર પંથકમાં ભારે ચકચાર જાગી છે. પ્રાપ્ત વિગતો મુજબ, ગામની 17 વર્ષીય સગીરાને કોઈ અજાણ્યો યુવક લલચાવી-ફોસલાવીને અપહરણ કરી લઈ ગયો હોવાની ફરિયાદ નોંધાઈ છે. આ ઘટનાને પગલે સગીરાના પરિવારમાં ચિંતાનું મોજું ફરી વળ્યું છે અને તાત્કાલિક અસરથી તેઓએ આ બાબતે ન્યાયની માંગ સાથે પોલીસનો સંપર્ક સાધ્યો હતો. આ ગંભીર મામલે સગીરાના વાલીએ પોલીસ સ્ટેશનમાં વિધિવત રીતે ફરિયાદ દાખલ કરવામાં આવી હતી. ફરિયાદ મળતાની સાથે જ પોલીસે આરોપી યુવક વિરુદ્ધ ગુનો નોંધીને કાયદેસરની કાર્યવાહી હાથ ધરી હતી. સ્થાનિક પોલીસ દ્વારા સગીરાની ભાળ મેળવવા માટે અલગ-અલગ દિશાઓમાં તપાસના ચક્રો ગતિમાન કરવામાં આવ્યા છે. હાલમાં પોલીસની
વિવિધ ટીમો દ્વારા આરોપીના સંભવિત રહેણાંક અને અન્ય સ્થળો પર વોચ રાખવામાં આવી રહી છે. પોલીસ તંત્ર દ્વારા સગીરાને વહેલી તકે શોધી કાઢીને સુરક્ષિત રીતે તેના પરિવાર સુધી પહોંચાડવા માટે તમામ ટેકનિકલ અને હ્યુમન સોર્સની મદદ લેવામાં આવી રહી છે.
