ગુજરાતના અમદાવાદને ૨૦૩૦ કોમનવેલ્થ ગેમ્સનું આયોજન કરવા માટે પસંદ કરવામાં આવ્યા બાદ, નજીકના શહેરોમાં રમતગમતના માળખાને પ્રોત્સાહન આપવાનું કામ શરૂ થઈ ગયું છે. ગુજરાતની રાજધાની અને અમદાવાદની ખૂબ નજીક ગાંધીનગરમાં એક નવું ક્રિકેટ સ્ટેડિયમ બનાવવામાં આવશે. તાજેતરમાં, જ્યારે ગુજરાત સરકારે નાણાકીય વર્ષ ૨૦૨૬-૨૭ માટે બજેટ રજૂ કર્યું હતું, ત્યારે રાજ્યના નાણામંત્રી કનુભાઈ દેસાઈએ ગાંધીનગરમાં દેશનું સૌથી મોટું પુસ્તકાલય બનાવવાની જાહેરાત કરી હતી. હવે ગાંધીનગરમાં એક નવા ક્રિકેટ સ્ટેડિયમની જાહેરાત કરવામાં આવી છે. અમદાવાદ પછી, ગાંધીનગર ગુજરાતનું બીજું શહેર છે જ્યાં મેટ્રો કનેક્ટિવિટી છે.

સૌથી ઊંચી પ્રતિમા, મેગા સ્ટેડિયમ અને મોલ પછી, ગુજરાતમાં હવે દેશનું સૌથી મોટું પુસ્તકાલય હશે, જેના માટે ૧૦૦ કરોડ રૂપિયા મંજૂર કરવામાં આવ્યા છે. ગાંધીનગરમાં બનનારા આ ક્રિકેટ સ્ટેડિયમ પર ૨૭કરોડનો ખર્ચ થશે. ગાંધીનગર

મ્યુનિસિપલ કોર્પોરેશન (GMC) એ રાંધેજા વિસ્તારમાં (GH-5 ખૂણા પાસે) એક અત્યાધુનિક ક્રિકેટ સ્ટેડિયમ બનાવવાની

યોજના જાહેર કરી છે. આ વિશાળ પ્રોજેક્ટનો ખર્ચ આશરે ૨૬.૮૫ કરોડ થશે. મ્યુનિસિપલ કોર્પોરેશન ૧૮ મહિનામાં સ્ટેડિયમ પૂર્ણ કરવાનું લક્ષ્ય રાખે છે. કોર્પોરેશને આ પ્રોજેક્ટ માટે ટેન્ડર બહાર પાડયા છે. તાજેતરમાં, વડોદરા મ્યુનિસિપલ કોર્પોરેશને ત્રણ સ્પોર્ટ્સ સ્ટેડિયમની પણ જાહેરાત કરી હતી.