જસદણના દલિત સમાજના અગ્રણી આગેવાન ડી કે પરમાર ની આગેવાનોમાં અનુસૂચિત જાતીના આગેવાનોએ નગરપાલિકાના પ્રમુખ જીતેન્દ્રભાઈ છાયાણીની અનુસૂચિત જાતિ સમાજના વિવિધ સંગઠનોના આગેવાનો અને કાર્યકરોએ શુભેચ્છા મુલાકાત લીધી હતી. આ તકે પ્રમુખ જીતેન્દ્રભાઈ છાયાણી નું પુષ્પહાર અને સાલ ઓઢાડીને ભવ્ય સન્માન કરવામાં આવ્યું હતું.

મુલાકાત દરમિયાન સમાજના આગેવાનો ડી કે પરમાર નાગજીભાઈ પરમાર મહેન્દ્રભાઈ પરમાર વિજયભાઈ એડવોકેટ જે પી ભાઈ એ વિસ્તારના પડતર પ્રશ્નો, પાયાની સુવિધાઓ જેવી કે રોડ-રસ્તા, ગટર વ્યવસ્થા અને સ્ટ્રીટ લાઈટ અંગે વિગતવાર રજૂઆત કરી હતી. પ્રમુખશ્રીએ આ તમામ રજૂઆતોને ખૂબ જ ગંભીરતાથી અને હકારાત્મક રીતે સાંભળી અનૅ મહત્વની બાંહેધરી આપી સન્માન સ્વીકારતા પ્રમુખ જીતેન્દ્ર છાયાણી એ સ્પષ્ટ શબ્દોમાં બાંહેધરી આપી હતી કે, "અનુસૂચિત જાતિ વિસ્તારનો સર્વાંગી વિકાસ એ અમારી નગરપાલિકાની પ્રાથમિકતા રહેશે તેમણે વધુમાં જણાવ્યું હતું કે આગામી સમયમાં આ વિસ્તારોમાં કોઈ પણ પ્રકારના નાના કે મોટા વિકાસલક્ષી કાર્યો કરવાના હોય, તેને પ્રાધાન્ય આપીને વહેલી તકે પૂર્ણ કરવામાં આવશે.આ પ્રસંગે સમાજના આગેવાનોએ પ્રમુખશ્રીના આ હકારાત્મક અભિગમને બિરદાવ્યો હતો અને આશા વ્યક્ત કરી હતી કે તેમના નેતૃત્વમાં વિસ્તારના વર્ષો જૂના પ્રશ્નોનો કાયમી ઉકેલ આવશે. આ મુલાકાતથી સમાજના લોકોમાં ખુશી અને ઉત્સાહનો માહોલ જોવા મળી રહ્યો છે.