રાજકોટ જિલ્લામાં હાલ હિટવૅવની અસર વર્તાઈ રહી છે જેથી જિલ્લા આપત્તિ વ્યવસ્થાપન મંડળે હીટ વેવથી બચવા શું કરવું (Do's)

- સ્થાનિક હવામાનની આગાહી માટે રેડિયો સાંભળવો જોઈએ, ટી.વી. જોવું તથા અખબાર વાંચવું જોઈએ.

- પુરતું પાણી પીવું તથા ઓ.આર.એસ., ઘરે બનાવેલા પીણાં જેવા કે લસ્સી, પાકી કેરીનો રસ (કાચી કેરી), લીંબુ પાણી, છાશ વગેરેનો ઉપયોગ કરવો જોઈએ, જે શરીરને હાઈડ્રેટ કરવામાં મદદ કરે છે.

- હળવા, સફેદ રંગના, ખુલતા અને છિદ્રાળુ સુતરાઉ કપડાં પહેરવા જોઈએ.

- બને તેટલું ઘરની અંદર રહેવું તથા તડકામાં બહાર જતી વખતે ગોગલ્સ, શુઝ અથવા ચપ્પલનો ઉપયોગ કરવો જોઈએ. માથાને ઢાંકવા માટે કાપડ, ટોપી અથવા છત્રીનો ઉપયોગ કરવો જોઈએ.

- ઘરને ઠંડુ રાખવા પડદા, શટર અથવા સનશેડનો ઉપયોગ કરવો જોઈએ અને રાત્રીના સમયે બારીઓ ખુલ્લી રાખવી જોઈએ.

- હીટ સ્ટ્રોક (Heat Stroke), હીટ રેશ (Heat Rash) અથવા હીટ ક્રેમ્પ (Heat Cramps) જેવા કે નબળાઈ, ચક્કર આવવાના સંકેતોને ઓળખો.

- માથાનો દુ:ખાવો, ઉબકા, પરસેવો, બેચેની, ગભરામણ અનુભવો તો તરત જ ડોકટરનો સંપર્ક કરવો જોઈએ.

- પ્રાણીઓને છાંયડામાં રાખવા જોઈએ અને તેમને પીવા માટે પુષ્કળ પાણી આપવું જોઈએ.

- રસોડામાં પૂરતા પ્રમાણમાં હવાની અવરજવર માટે દરવાજા અને બારીઓ ખુલ્લી રાખવી જોઈએ.

હીટ વેવથી બચવા શું ન કરવું (Don'ts)

- તડકામાં બહાર જવાનું ટાળવું જોઈએ. ખાસ કરીને બપોરે ૧૨ કલાકથી બપોરે ૦૩ કલાકની વચ્ચે બહાર નીકળવું જોઈએ નહીં.

- ભારે અથવા ચુસ્ત કપડાં પહેરવા જોઈએ નહીં.

- જ્યારે બહારનું તાપમાન વધારે હોય ત્યારે સખત શારીરિક શ્રમયુક્ત પ્રવૃતિઓ કરવી જોઈએ નહીં.

- ખુલ્લા પગે બહાર જવું જોઈએ નહીં.

- બાળકો તથા પાલતુ પ્રાણીઓને પાર્ક કરેલા વાહનોમાં છોડશો નહીં કારણ કે તેઓ હીટવેવથી પ્રભાવિત થઈ શકે છે.

- આલ્કોહોલ, ચા, કોફી અને કાર્બોરેટેડ સોફ્ટ ડ્રિકસનું સેવન કરવું જોઈએ નહીં, કારણ કે તે શરીરને ડીહાઈડ્રેટ કરે છે.

- વાસી આહાર લેવો જોઈએ નહીં.

હાલ ઉનાળાની ઋતુમાં હીટ વેવથી બચવા લોકોને આ પગલાં લઇ પોતાનું જીવન સુરક્ષિત બનાવવા વહીવટી તંત્ર તરફથી અનુરોધ કરવામાં આવે છે. આ બાબતે કોઈપણ મુશ્કેલી જણાય તો ૧૦૮ ઈમરજન્સી અથવા ડીસ્ટ્રીકટ ઇમરજન્સી ઓપરેશન સેન્ટર, રાજકોટ ખાતે ફોન નં. ૦૨૮૧-૨૪૭૧૫૭૩ તથા ટોલ ફ્રી નંબર ૧૦૭૭ પર સંપર્ક કરવા કલેક્ટર કચેરીની યાદીમાં જણાવાયું છે.